ده‌نگی گه‌لی كوردستان
(د.به‌رهه‌م ساڵح ) سه‌رۆكی حكومه‌تی هه‌رێمی كوردستان له‌شاری‌ هه‌ولێر چاویكه‌وت به‌ بایدن سه‌رجان كۆنسوڵی گشتی توركیا له‌هه‌ولێر و له‌دیدارێكدا گفتوگۆكرا ده‌رباره‌ی‌ به‌هێزتركردنی په‌یوه‌ندیه‌ سیاسیه‌كانی نێوان هه‌رێم و توركیا وه‌ك دوو دراوسێ.
له‌به‌شێكی‌ دیكه‌ی‌ ئه‌و دیداره‌دا باس له‌وه‌كرا كه‌پته‌وبوونی بنه‌مای دۆستایه‌تی و په‌یوه‌ندی دوولایه‌نه‌، كاریگه‌ری باشی بۆسه‌ر دۆخی ناوچه‌كه‌ به‌گشتی هه‌بووه‌ و بۆته‌ هۆكارێكی ئارامی و بنه‌مایه‌كی به‌هێزی ئابووری و بازرگانیش , كه‌ له‌به‌رژه‌وه‌ندی گه‌لانی توركیا و عیراقه‌ به‌هه‌رێمی‌  كوردستانیشه‌وه‌ و باس له‌پێشهاته‌ سیاسیه‌كانی عیراق و كوردستان كرا، ته‌ئكیدكرایه‌وه‌ له‌پێكهێنانی حكومه‌تێكی هاوبه‌شی نیشتمانی كه‌بتوانێت گوزارشت له‌سه‌رجه‌م پێكهاته‌كانی عیراق بكات.
هه‌ر له‌میانه‌ی ئه‌و دیداره‌دا كۆنسوڵی توركیا باسی له‌به‌رنامه‌و كارو چالاكییه‌كانی كۆنسوڵخانه‌كه‌ی كردو دووپاتیكرده‌وه‌ ئه‌وان خوازیاری فراوانكردنی بواری كاری پێكه‌وه‌یین، به‌تایبه‌تی له‌پێشكه‌شكردنی كارئاسانی بۆ چالاكی بازرگانی و هاتووچۆی هاولاَتیان و وه‌به‌رهێنه‌ران، له‌و چوارچێوه‌یه‌دا ئاماژه‌درا به‌كردنه‌وه‌ی ناوچه‌ی بازرگانی و پیشه‌سازی ئازادو كردنه‌وه‌ی ده‌روازه‌ی تری سنوری له‌پێناو به‌هێزكردنی جموجوڵی بازرگانی نێوان هه‌ردوولا.